教育篇

1）是否一定要人到埗才可申請小學？

可以去所屬嘅Council網站熟讀相關內容，選定心儀小學先，再填表格申請，Council 會要求提交該學童嘅boarding pass證明已到埗才真正派學位。臨上機前就可以將boarding pass email 比Council。 Primary School Admissions Brochure – www.kingston.gov.uk

2）如果派左間無選擇過嘅學校，還可以繼續排心儀嘅學校？

可以。最好先入讀派左嘅學校，回覆Council會繼續排你心儀嘅學校。

3）可唔可以唔跳級？

英國公立小學係跟學童年齡入學，唔會考慮學習能力，一般8月尾前出世，嚟到讀就會跳一級。

4）Year 7 派位幾時申請？

Year 7 派位，會在每年10月尾申請，錯過左，要到第二年3月尾等Council 再派位。

5）是否只可報讀自己Council嘅小學？

不是，你可以向周邊嘅Council各自申請心儀嘅小學，再上學校網頁下載補充資料表格，填妥再交回該學校，多數宗教背景嘅學校都會有此要求。

6）申請學校，Council 會要求家長提供咩文件？

最緊要有Council tax bill 同租約，再提供學童嘅護照、洗禮紙（如是宗教學校）、出世紙。

7）排緊嘅學校輪候位置會唔會隨時有變？

會，因為不斷有其他人加入排隊，後來嘅佢哋輪候位置有機會在你之前，因為可能佢哋比你住得近，有兄弟姊妹已入讀，或仲其他因素，可以定期寫電郵去問下自己嘅輪候位置，心中有數，有冇機會排到。 Schools and learning – www.kingston.gov.uk